глас 4
Истинных повелений устне распро­странил еси, учении Божественными вся просветил еси, зловерие низложил еси, Богомудре Мартине, святителю всечестне, поминай нас, угодниче Христов, еже к Нему ходатайствы твоими, да в мире устроиши живот наш.

Слава

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.