глас 3
Яко сый нравом православных Восточныя Церкве преданий истинный защитник, сподобился еси великаго во отцех Феодосия видети по смерти яко жива, возвещающа тебе Царствия Небеснаго наследие, егоже неизреченных доброт ныне с ним неразлучно наслаждаяся, моли и о нас, чадех своих, Нифон­те прехвальне.

Слава

глас 5
Ревности древних отец в твердом истинных догмат хранении подобяся, крепкоумне Нифонте, не восхотел еси восхитившему самовольне престол митрополии Климу сослужитель быти, избранному же на ся от всех, покорся, священнолепне с ним служил еси, и жизнь свою скончав, обрел еси безконечное Царство Христово.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.