глас 4
Изволением Божественнаго разума вперив ум свой в Небесныя обители и равно Ангелом житие пожив на земли, сего ради мучения красоты венец на сво­ем версе утвердив, священномучениче Ипатие, моли Христа Бога спастися душам нашим.

Слава

глас 2
Римскому отечеству светильник, Богозарными лучами концы светя, ныне просвети твое празднество поящия, Ипатие, прося свыше мира и грехов оставления, молитвами защити ны, Ипатие многострадальне.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.