глас 1
Всерадостное дарование от Бога святым женам — святыя дети; всерадостное даяние и тебе, святая Еввуло, — святый великомученик Пантелеимон, милости тезоименитый, недугующих целитель и наш заступник. Слава убо о вас Всемилостивому Владыце, слава Подающему вами цельбы, слава пред­статели наши вас Показавшему.

Слава

глас 3
Память твоя, Еввуло, веселит чтущих тя, матерь славнаго Пантелеимона, с нимже Божию Престолу предстоящи, молися прегрешений оставление дати нам.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.