глас 4
Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняюще нас, припадающих прилежно и вопиющих: от бед избави нас, яко чиноначальник вышних Сил.

Слава

глас 8
Пресветлыя, и Честныя, и Вседетельныя, Пренеисчетныя и Страшныя Троицы, ты еси, Архистратиже, славный служителю и молитвенниче, ныне непрестанно моли избавитися нам от всяких бед и мук, да зовем ти: радуйся, покрове рабом твоим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.