глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Мучеников двоица единоравная, Стефане и Петре славнии, неверие соплеменников обличивше, Христу последовали есте, во Святую Троицу веровати всех научающе, Еяже ради великия страдания приемше, молитеся о нас ко Господу, да избавившеся тьмы греховныя, Света явимся общницы невечерняго.

Слава

глас 3
Святии страстотерпцы Стефане и Петре, Троицы поборницы преизряднейшии, мук треволнения и страшную смерть на вечную жизнь пременившии, во граде Казани страдальчествовашии, ныне же в Небесных чертозех Всецарю предстоящии, от всяких нас грехопаде­ний избавити Христа Бога молите. Той бо есть верных утверждение.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.