глас 4
Днесь всемирныя радости начатки, предпразднственное воспети повелевают, се бо Гавриил приходит, Деве нося благовестие, и к Ней вопиет: радуйся, Благодатная, Господь с Тобою.

Слава

И ныне

глас 8
Всем земным начало спасения нашего Ты еси, Богородице Дево, Божий бо служитель с Небес послан предстати Тебе, великий чиноначальник Гавриил, радость обрадованную Ти принесе. Тем вси зовем Ти: радуйся, Невесто Неневестная