глас 4
Постнически преподвизався на го­ре, умная врагов ополчения всеоружием креста погубил еси, всеблаженне, паки же ко страдальчеству мужески облеклся еси, убив Копронима мечем веры и обо­их ради венчался еси от Бога, препо­добномучениче Евфимие приснопамятне.

Слава

глас 2
Яко постника благочестна, и искусна, и страдальца произволением честна, и пустыни жителя сообразна, в песнех достойно восхвалим приснохвальнаго, той бо змия попрал есть.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.