глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 5
Блаженная мати Софие, нетлением мощей и чудес сиянием почти тя Бог; поминающе твое праведное житие, тя молим испросити телесем нашим здравие и душам спасение.

Слава

глас 4
Приидите вси русстии жены, святую Софию восхва­лим, уподобившуюся мудрым девам, елей благодати Духа Святаго стяжавшим; темже умудри тя Господь подвизатися во утверждении святыя Православныя веры и соблюдати Церковь Его непозыблему от ересей и расколов, сего ради благодарно воспоем ти: радуйся, града Слуцка и всея земли нашея радосте и утверждение.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.