глас 4Днесь, вернии, преславно луковствуем, память преподобныя Вассы совершающе, и раце мощей ея умильно покланяющеся, со слезами и любовию вопием ей: буди ходатаица наша пред Богом, огради молитвами твоими обитель и град наш, в скорбех и печалех нам буди утешительница, ты бо еси крепость верным, и обители Псково-Печерския украшение.
Слава
глас 4Память преподобныя Вассы днесь светло совершающе, благодарственне воспоминаем многотрудныя подвиги, естество бо женское отвергши, со супружником твоим устремися к монашескому житию, да нетленными венцы венчает тя Христос.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
