глас 4
Правило веры и образ кротости, воздержания учителя яви тя стаду твоему Яже вещей истина, сего ради стяжал еси смирением высокая, нищетою богатая, отче, моли Христа Бога спастися душам нашим.

Слава

глас 1
Языком твоим, мудре, Божественными вдохновеньми просветил еси твоя люди, Едину чести Троицу естеством нераздельну, разделяему же Лицы, темже радующеся, всесвятую твою память празднуем, иже к Богу молитвенника тя предлагающии.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.