глас 8
Плотская мудрования, отче Мака­рие, воздержанием и бдением умертвил еси, место бо, на немже поты твоя излиял еси, яко труба вопиет к Богу, поведающи твоя исправления, и по смер­ти честныя твоя мощи источают исцеле­ния. Темже вопием ти: моли Христа Бога, да спасет души наша.

Слава

глас 2
Вышних желая, воздержанием и труды, и поты насладився, желание плоти твоея обуздав, чудес дар прием от Христа Бога, светильник явился еси пресветлый. Темже Христова Церковь песньми славит тя, преподобне Макарие, отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.