глас 4
Возвысився на добродетель и ум очистив, к желанному и крайнему достигл еси, безстрастием же украсив житие твое, и пощение изрядное восприим совестию чистою, в молитвах, яко безплотен, пребывая, возсиял еси, яко солнце, в мире, преблаженне Алексие.

Слава

глас 2
Дом родителей твоих, яко чужд, имев, водворился еси в нем нищеобразно, и по преставлении венец прием славы, дивен на земли явился еси, Алексие, человече Божий, ангелом и человеком радование.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.