глас 6
Обрете тя строителя градов и церквей земля Киевская, великий княже Ростиславе, смуты устранял еси, единство храня, темже Господь тебе мудрость ниспосла, сего ради Христу Богу молися спастися душам нашим.

Слава

глас 2
Чистотою душевною божественне вооружився, и непрестанныя молитвы яко копие вручив крепко, пробол еси бесовская ополчения, отче наш, моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.