глас 3
Божественное озарение, Симеоне отче, восприяв в души твоей, светило в мире показался еси светлейшее, разго­няя того мракобесие и всех уверяя искати, юже погубиша, благодать Духа, Егоже прилежно моли даровати нам ве­лию милость.

Слава

глас 3
Светом просвещен Трисолнечным, Богомудре, Богослов явился еси Пребожественныя Троицы. Свыше премудростию словес обогатився, источил еси Богомудрия Божественныя струи, от нихже пиюще, вопием: радуйся, треблаженне Симеоне Богонаученне.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.