глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 5
Воздержанием житие украсил еси и, уды умертвив, победил еси вражия козни, отче Феофане, преставился еси к Богу в вечную жизнь, яко достоин причастник, моляся непрестанно помиловати души наша.

Слава

глас 2
Свыше прием Божественное откровение, со тщанием изшел еси от среды молвы житейския и уединився, преподобне, чудес приял еси действо и пророчества достоинство, бо­гатства и супружницы лишився.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.