глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Пространна пути, ведуща в пагубу, блаженне Софроние, угонзая, затворил­ся еси в темне месте пещернем, идеже день и нощь в молитвах и слезах, и в ручном деле подвизаяся, обрел еси веч­ный живот и наслаждение.

Слава

глас 4
Явился еси древним отцем ревнитель, в темней пещере светлым житием ясно просияв, и озарил еси сердца поющих тя, Богомудре отче Софроние.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.