глас 1Щитом веры вооружився, мечем словесе безбожныя агаряны посекая, стадо твое упасл еси на земли. В Небесней же обители вселився, Христа моли даровати народу нашему мир и велию милость.
Слава
глас 3Архиереев похвала и страдальцев украшение быв, святителю Софроние, добродетельми прославився, возсиял еси, яко солнце, нас просвещая и греховную тьму неведения отгоняя. Но, яко имея дерзновение к Богу, мир испроси душам нашим и велию милость.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
