глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 6
Таяся, пожил еси, прехвальне, но Христос тя показа, яко светило на свещнице мысленнем, и скрижали ти вручи учений духовных, имиже, святителю Феофилакте, и нас озари.

Слава

глас 2
Светильник светел показался еси в концех, святителю Феофилакте, единосущна Отцу и Духу Слова ты проповедав, Божественных отец Собор уяснил еси, Троице угодник явился еси. Ейже предстоя, моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.