глас 4
Яко Безплотным единонравен, и преподобным сообщник, преподобне Ге­расиме, един на Вологду пришел еси, прорицая ту быти граду великому и в нем святей церкви воздвигнутися и свя­тителем водворитися. Темже и сподобился еси близ того погребен быти и по преставлении своем многими чудесы исцелений просиял еси. Молися всегда о нас, яко да обрящем от Бога милость.

Слава

глас 8
От юности, премудре, мирский мятеж оставил еси, и многоценныя ризы тленныя возненавидел еси, и святую одежду ангельскую любезно восприял еси, и ту соблюл еси в чистой совести и во благих делех, и до преставления своего бысть Божественнаго ради жития Троицы селение и просветил еси верою приходящия к тебе; темже вси зовем ти: радуйся, отче Герасиме всечестный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.