глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
И нравом причастник, и престолом наместник апостолом быв, деяние обрел еси, богодухновенне, в видения восход: сего ради слово истины исправляя, и веры ради пострадал еси даже до крови, священномучениче, моли Христа Бога спастися душам нашим.

Слава

глас 3
Море зловерия обличил еси и идольскаго безбожия лесть верою правоверия уязвил еси, и всесожжение Божественное быв, чудодействием орошаеши концы, отче святителю Феодоте, Христа Бога моли, даровати нам велию милость.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.