глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Правостию умною душу твою привязавши в любовь Христову, тленных и красных и временных забытием претекла еси, яко Слова ученица, пощением страсти первее умер­твивши, страдальчески второе врага посрамила еси. Тем Хрис­тос сугубых венцев сподоби тя, славная Евдокие, преподобная страстотерпице, моли Христа Бога спастися душам нашим.

Слава

глас 4
Во страдании твоем добре подвизавшися, и по смерти нас освящаеши чудес излиянии, всехвальная, верою прибегающия в Божественную церковь твою, и торжествующе молим тя, преподобная мученице Евдокие, да избавимся недуг душевных и чудес благодать почерпем.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.