глас 8
Постом предочистився, премудрос­ти постигл еси разумение, от пустынных же Богоносных отец научился еси страс­тей обузданию. Того ради подаждь нам, твоими молитвами, плоти нашея духу послушание, еси бо наставник, Кассиа­не преподобне, всем поющим о Христе твою память.

Слава

глас 4
Преподобен был, Богу возложился еси и, просвещая добрыми виды, Кассиане, яко солнце облистал еси сиянием божественных твоих учений, сердца всех чтущих тя всегда просвещая. Но прилежно моли Христа о иже любовию тепле восхваляющих тя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.