глас 4
Словенска языка, Псковския земли плотски в юродстве быв, юродства притворением Горняго Иерусалима граж­данин явися, ангелом свеселишися, мироточиваго святителя Николая звание восприим, с нимже всегда Хрис­та Бога моли даровати нам велию ми­лость.

Слава

глас 4
Чудотворец явися, Николае, царску державу и смысла свирепства на милость обратив, и сего ради своему отечеству тепл молебник показася и ныне молим тя, святе, пребуди в нас еще, защити от коварств вражиих, ты бо еси граду Пскову и всем Христолюбивым людем похвала и утверждение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.