глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Воинство тленное оставль, в нетлен­ном ввоенился еси Христови, и оружи­ем Его крестным победив подземных ефиопов, победы венец от Христа, Ти­те, славно приял еси, Емуже молися даровати нам мир и велию милость.

Слава

глас 6
Воина Христова храбраго, щитом преподобия обложшагося и воев невидимых крепко победивша, приидите, вернии, восхвалим Тита крепкодушнаго и возопиим: прииди, святе, к нам и никтоже озлобит ны.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.