глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Братолюбне тя живуща видев любве ненавистник, победил тя во гнев, но, ведый твоя прежния труды любве источ­ник Господь, преложи тя паки на братолюбие, в немже ты прочее пожив Богоугодне, молися о нас, яко да пожи­вем братолюбне.

Слава

глас 7
Смирению Господню подобяся, смирился еси, священник сый пред лицем гордаго диакона Евагрия, беззлобне Тите, за что приял еси не токмо временныя жизни неотпадение, ангелу тя воздвигшу, но и вечныя наслаждение, в нейже ликуя, избавляй нас лютаго гнева и памятозлобия.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.