глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Труды и болезни твоя, яже по бла­гочестию, кто исповесть, отче? день бо и ночь не престал еси трудяся, дондеже от нечестия Газу очистив, благочестие насадил еси, тем яко всегда еси предстатель о стаде твоем, тако, святе Порфирие, моли Христа Бога да спасет души наша.

Слава

глас 2
Священнейшими твоими нравы украшаемь, священства одеждею озарился еси, всеблаженне Богомудре Порфирие, и исцелений удобряеши возвышеньми, моляся непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.