глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Благолепие дому Господня любя, расточил еси нещадно имение твое во украшение того, преподобне Еразме, тем ныне живя в дому Господни на Небеси, моли и нам освятитися в жилище Господне.

Слава

глас 8
Украсивый церковь Богоматере расточением имения ти на сие иконами, Еразме славне, себе же о том нераскаянием; подаждь и нам расточением грехов своих и покаяния лепотою украсившимся церковию светлою Духови Святому явитися.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.