глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Ветрилом креста душевный корабль окормив, житейская красная оставил еси, и от мирскаго мятежа изшед, плотския похоти воздержанием многим, отче, умертвил еси, пощением и слезами, мо­литвами и песньми непрестанно прилепляяся Богу. Темже и жилище достойно Духа Пресвятаго показался еси. Моли, Поликарпе преподобне, Христа Бога оставление прегрешений даровати нам и велию милость.

Слава

глас 4
Якоже отец духовно, князь чувственно, людем российским явился еси, преподобне Поликарпе, мудрование бо и славу мирскую презрев, божественным житием последовал еси, монахом же был твердое укрепление и светильник светел. Темже похваляюще честную память твою, зовем ти: моли Христа Бога спасти и просветити души наша.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.