глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Мученицы Твои, Господи, во страданиих своих венцы прияша нетленныя от Тебе, Бога нашего, имуще бо крепость Твою, мучителей низложиша, сокрушиша и демонов немощныя деозости. Тех молитвами спаси души наша.

Слава

глас 8
Крепцыи веры столпи, добропобеднии мученицы, за Христа подъемше различныя муки и на лета многа сокровени бысте, и ныне явистеся, яко многоценное богатство, в церковь Божию честно носими архиерея Божия дланьми, просящим раздаваете, еже на пользу. Тем молитеся о душах наших.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.