глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Горняго желая премирнаго жития, дольняя возненавидел еси, и взем крест, последовал еси Христу, и в пусты­ню вселился еси, досточудне, в ней подвизался в пениих, и бдениих и пощениих. Сего ради в тя вселися Пресвятый Дух. Темже, яко имея дерзновение ко Христу Богу, испроси людем православным здравие и спасение, и не забуди посещая чад тво­их, совершающих священную память твою, Космо преподобне, отче наш.

Слава

глас 8
Душевныя страсти из корене исторгая, в пустыню вселился еси, преподобне, и неболезненную жизнь в болезнех восприял еси, болезнем же лютым уставляеши озлобления просящим у тебе с верою. Темже разреши болезни наша душевныя и телесныя, да зовем ти: радуйся, Космо Богомудре.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.