глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Апостоле святый, моли Милостиваго Бога, да прегрешений оставление подаст душам нашим.

Слава

глас 4
Яко луча возсиял еси вселенней, зарями сияя солнца, блаженне, всесветлаго Павла, мир просветившаго; темже тя почитаем, Онисиме славне.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.