глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Светлости святых насладитися вож­делев, в темную вселился еси пещеру, прехвальне, и добре подвизался еси, Исаакие, прельщен же быв от врага, паки крепко попрал еси того вся ковар­ства. И ныне, яко победитель, в весе­лии предстоя Христу Богу, проси нам мира и велия милости.

Слава

глас 5
Вражию прелесть низложивша и в постничестве светло просиявша, приидите, вернии, восхвалим Исаакия победоноснаго, иже, яко злато, во искушениих просия и просвещает сердца верно к нему притекающих, моляся Господеви непрестанно о душах наших.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.