глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Яко незаходимое солнце возсия нам днесь светозарными твоими мо­литвами, преподобне отче наш Мароне, иже некия горы достигл еси, и тамо на ней живущими нечестивыми чтом бысть, за превосходящую твою к Богу добродетель, и тамо обрет требище идольское, Богу освятив, в нем пре­бывал еси; и видев Человеколюбец Бог твой подвиг и труды, дарова тебе дар Свой, имже принесеся имя твое в человецех, целити скорби, огневицу и трясавицу прибегающим к тебе с ве­рою. Темже и зовем: радуйся, целите­лю наш скорый; радуйся, заступниче наш теплый, предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наша.

Слава

глас 5
Страстей пещь, преподобне, угасил еси воздержания росою, дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.