глас 4
Священства одеждою обложен, премудре, по закону Божию всесожжения приятна священнолепно приносил еси, Захарие, и был еси светильник и зритель тайных, знамения в тебе благодати нося явственно, всемудре, и мечем убиен быв в храме Божии, Христов пророче, с Предтечею моли спастися душам нашим.

Слава

глас 3
Пророк днесь и священник Вышняго, Захария, предложи Предтечев родитель трапезу своея памяти, верныя питая, питие бо правды всем растворив; сего ради скончавается, яко Божественный таинник Божия благодати.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.