глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
От запада возсиявши, яко звезда небосветлая, прияти Православную веру сподобилася еси, в ней же плод благославный Российстей земли принесши, святая благоверная кня­гине Анно, Христа всем сердцем возлюбила еси, Того оправдания и законы хранящи. Тем же днесь всесвятую память твою празднующе, грехов оставление молитвами твоими приемлем.

Слава

глас 4
Днесь в светлой памяти твоей Великий Новград веселит­ся, созывая всех верных светло праздновати память твою, и мы ныне, духовно ликовствующе, радостно славим тя и молим: святая благоверная княгине Анно, предстоя Святей Троице, моли избавити Великий Новград и всю землю Русскую от всяких бед и обстояний и всем нам спастися.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.