глас 4
Яко столп избранный Церкве Хрис­товой и светильник присносветлый всея вселенныя, премудре, показася, Харалампие, возсия в мире мучением, разруши идольское мракобесие, блаженне, сего ради явися предстатель Христу, молися спастися нам.

Слава

глас 8
Подобствовав благодатию священства, славне, Церковь светло украсил еси Божественным страданием, еже за Христа приял еси доблественно, радуяся, Харалампие, честный, светильниче всемирный, осияваяй концы, яко непобедимый.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.