глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Исправление веры и образ кротости, и якоже сад посреде рая, преподобными делы твоими мир просвещаеши, сего ра­ди к честней раце мощей твоих любовию прикасаемся, лобызаем их и верно во­пием: предстани в помощь воспевающим память святую твою и светоносную, свя­тителю отче Савво пребогате, молимся, Христу Богу молися спастися душам на­шим.

Слава

глас 8
Яко архиереем сопрестольник и святителем изрядный поборник был еси, святителю Савво, сохраняяй отечество, обитель, град же и люди, почитающия тя, верою и честным твоим мощем покланяющияся, да велегласно тебе вопием: радуйся, Савво Богомудре.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.