глас 5
Равноангельное житие поживше, Варсонофие отче с Иоанном вкупе, постничества светлыя звезды явистеся и монахом наставницы на лучшую стезю, яко исполнени света божественнаго, моляще непрестанно помиловатися душам нашим.

Слава

глас 3
Двоица богодохновенная богоносных отец добродетелей благодать тайноводствуют всем, великий Варсонофий, старец сый, другий же Иоанн, преподобный старец. Тех восхвалим согласно, яко Троицы божественныя служителие.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.