глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
На высоте великаго княжения седя, явился еси благочестием и верою сияя отечеству своему, яко солнце; по Свя­тей Троице ревностию разжегся, и за веру крепко пострадав, кровь твою пролиял еси; тем и отсеченная твоя за Хрис­та глава свидетельствует яве о тебе, прилепшая по смерти к телеси твоему, с неюже и до днесь нетленны пребывают мо­щи твоя, от нихже источаеши исцеления душам и телесем нашим. Но, яко дерз­новение имея ко Христу, страстотерпче Георгие, непрестанно моли, державу твою и сродник твоих безвредну сохра­нити молитвами твоими.

Слава

глас 8
Христове смерти подобяся, и Того испити чашу возжелев, яко живота, за Негоже мужески подвизался еси, презрев земное царство, от безбожных варвар пострадав до смерти, Георгие Богомудре; тем моли спастися православным христианом, молитвами твоими.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.