глас 4
Симеон старец днесь веселится, восприят на руку свою Младенца, Превечнаго Бога, от уз плоти разрешитися про­ся и вопия: видеста очи мои спасение Твое мирови.

Слава

глас 4
Старец днесь отрешитися от уз моляшеся сего жития тленнаго, Христа восприят на руки Зиждителя и Господа.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.