глас 1
Небесный лик небесных ангел, приник на землю, Пришедша зрит, яко Младенца носима ко храму, Перворожденна всея твари, от Матере Неискусомужныя: предпразднственную убо с нами поют песнь, радующеся.

Слава

глас 6
Со Отцем Слово сый невидимо, ныне убо видимь есть плотию, неизреченно от Девы родися и на руку старчу дается святителю. Поклонимся Тому, Истинному Богу нашему.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.