глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Преподобне отче Зиноне, препо­добне и честне житие твое на земли препроводивый и тем Богови по премногу благоугодивый, моли о нас, чтущих па­мять твою.

Слава

глас 8
Восхваляяся днесь, преподобне Зиноне, яко преподобен во славе, и радуяся давидски на ложе своем во Царствии Небеснем, не премолчи о нас мольбу принести ко Господу.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.