глас 3
Правило веры несокрушимыя, и образ милосердия Христова был еси, Павлине, вся бо радости мира отринув, за угнетенных в рабство предался еси. Тем же любовию твоею озаряема, вселенная славит тя.

Слава

глас 8
Возвещал еси усердно, святителю, о силе ходатайства святых за мир, ныне писанное тобою делом яви, яко великий угодник Божий, возвесели сердца зовущих: радуйся, Павлине, святителю милостивый.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.