глас 4
Лоза преподобства и стебль стра­дальчества, цвет священнейший и плод богоданный, верным, всесвященне, присноцветущ даровался еси, но яко муче­ников сострадалец и священноначальников сопрестольник, моли Христа Бо­га спастися душам нашим.

Слава

глас 4
Лозы был еси честная розга Христова, многострадальне Клименте всехвальне, явлься, со страждущими же взывал еси: Ты мучеников, Христе, светлое радование.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.