глас 4
Веселися, пустыня нераждающая, благодушствуй, неболящая, яко умножи тебе чада муж желаний духовных, благочестием насадив, воздержанием вос­питав добродетелей в совершенство. То­го молитвами, Христе Боже, умири жи­вот наш.

Слава

глас 8
В честнем рождестве твоем радость тварь обрете и в Божественней памяти твоей, преподобне, благодушие прият многих твоих чудес, от нихже подаждь богатно в души наша, и очисти грехов скверны, яко да поем: Аллилуиа.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.