глас 3
Пути, вводящаго в жизнь наставник и первопрестольник и учитель был еси. Первее бо пришед, святителю Савво, отечество твое просветил еси, и породив тое Духом Святым, яко древа маслинная в масленнем раи насадил еси всеосвященная твоя чада. Тем, яко апостолом и святителем сопрестольна, чтуще тя молим: моли Христа Бога даровати нам велию милость.

Слава

глас 8
Яко первосвятителя великаго, и апостолов сообщника, Церковь прославляет тя людей твоих, преподобне. Но яко имея дерзновение ко Христу Богу, молитвами твоими от всяких нас бед спасай, да зовем ти: радуйся, отче Савво богомудре.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.