глас 3
Великих дарований приемниче и ве­ликих чудес силою Божиею творителю, пречудне отче Григорие, яко велие дерз­новение имея ко Христу Богу, непрестан­но о нас молися Ему, да грехов оставле­ние подаст душам нашим.

Слава

глас 7
Запрещая беззаконнующим беззаконовати, ввержен был еси теми в струи речныя, досточудне Григорие, идеже блаженную восприем кончину. Ныне со ангелы предстоя престолу Владычню, молися о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.