глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Пещерный житель и в телеси ангел и чудотворец явился еси, богоносе отче наш Григорие, постом, бдением, молит­вою Небесная дарования приим, исцеляеши недужныя и души верою приходя­щих ти. Слава Давшему ти крепость, слава Венчавшему тя, слава Действую­щему тобою всем исцеления.

Слава

глас 6
Велием воздержанием и нощными молитвами, преподобне чудотворче отче Григорие, приял еси от Бога дар чудотворения исцеляти недужныя, с верою к тебе притекающия, темже и наша многия болезни исцели, молимся.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.