глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Постническое житие облобызав и многими труды от младых ногтей себе обложив, на степень диаконства произведен быв, всечестне, в коем служил еси в церкви Божия Матере непорочне, Ейже молися, во еже спастися душам нашим.

Слава

глас 2
Велие имел еси воистину воздержание, славне, и многое показал еси пощение, о Ахило, зане едва единою в седмице, и се едину малу просфору снедаше и бденным стоянием к Нему выну дручашеся, тем тя, яко постника и преподобным сообщника чтуще, ублажаем.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.